ການຊື້ຂາຍພັນທະບັດ

ຂັ້ນຕອນກ່ອນການຊື້ ຂາຍພັນທະບັດໃນຕະຫຼາດຂັ້ນສອງ

• ຊື່ພັນທະບັດ
• ປະລິມານທີ່ຕ້ອງການຊື້ ຂາຍ
• ລາຄາທີ່ຕ້ອງການຊື້ ຂາຍ
• ປະເພດການສະເໜີລາຄາ (ຊື້ ຫຼື ຂາຍ)
• ຂໍ້ມູນຕິດຕໍ່ຂອງນັກລົງທຶນ

• ຝ່າຍຊື້ ແລະ ຝ່າຍຂາຍຈະຕ້ອງໄດ້ເຈລະຈາຕົກລົງກັນ ກ່ອນສົ່ງຄຳສັ່ງເຂົ້າລະບົບພັນທະບັດ;
• ສະມາຊິກ ຫຼື ນັກລົງທຶນ ສາມາດຕິດຕໍ່ກັນໂດຍກົງ ເພື່ອຕໍ່ລອງລາຄາ ແລະ ປະລິມານທີ່ຕ້ອງການດໍາເນີນການ ຊື້-ຂາຍກັນຕົວຈິງ ຕາມຂໍ້ມູນທີ່ປາກົດຢູ່ກະດານສະແດງຂໍ້ມູນ;
• ສໍາລັບນັກລົງທຶນທີ່ບໍ່ຕ້ອງການສະແດງຂໍ້ມູນຂອງຕົນ ຫຼື ບໍ່ຕ້ອງການຕໍ່ລອງກັບຄູ່ຄ້າໂດຍກົງ ແມ່ນສາມາດມອບສິດໃຫ້ ແກ່ສະມາຊິກ ຫຼື ຜູ້ຄ້າພັນທະບັດຂອງຕົນ ເຈລະຈາຕໍ່ລອງແທນຕົນໄດ້);
• ນອກນັ້ນ, ນັກລົງທຶນຍັງສາມາດເຈລະຈາກັນເອງເພື່ອຕົກລົງລາຄາ ແລະ ປະລິມານທີ່ຕ້ອງການດຳເນີນການຊື້ ຂາຍກັນຕົວຈິງ, ຫຼັງຈາກຕົກລົງກັນໄດ້ແລ້ວຈຶ່ງຕິດຕໍ່ຫາສະມາຊິກເພື່ອດໍາເນີນການມອບສິດສົ່ງຄໍຳສັ່ງຊື້ ຂາຍເຂົ້າໃນລະບົບພັັນທະບັດ.

1. ການມອບສິດສົ່ງຄຳສັ່ງຊື້ ຂາຍ

   ນັກລົງທຶນຕ້ອງມອບສິດສົ່ງຄຳສົ່ງຊື້ ຂາຍ ໃຫ້ສະມາຊິກ ແລະ ເມື່ອສະມາຊິກ ໄດ້ຮັບການມອບສິດສົ່ງຄຳສັ່ງແທນຈາກລູກຄ້າແລ້ວ, ຈະຕ້ອງຮຽກເກັບຄວາມພຽງພໍຂອງການຝາກຈາກລູກຄ້າດັ່ງກ່າວໃນຈໍານວນເງິນຮ້ອຍສ່ວນຮ້ອຍ ສໍາລັບການສັ່ງຊື້ ແລະ ຈໍານວນຫຼັກຊັບຮ້ອຍສ່ວນຮ້ອຍ ສໍາລັບການສັ່ງຂາຍ.

2. ການສະເໜີລາຄາ ຫຼື ການສົ່ງຄຳສັ່ງຊື້ ຂາຍ

   ສະມາຊິກຕ້ອງສົ່ງຂໍ້ມູນການສະເໜີລາຄາເຂົ້າໃນລະບົບຊື້ ຂາຍຂອງ ຕລຊລ ເຊິ່ງຕ້ອງລະບຸລາຍລະອຽດຕ່າງໆລຸ່ມນີ້:

   • ເລກບັນຊີ
   • ຊື່ພັນທະບັດ: ກ່ອນສົ່ງຂໍ້ມູນສະເໜີລາຄາ ສະມາຊິກຕ້ອງກວດຊື່ພັນທະບັດວ່າມີໃນລະບົບຫຼືບໍ່ (ສຳລັບຝ່າຍຂາຍ) ແລະ ຕ້ອງກວດຈຳນວນເງິນໃນບັນຊີວ່າມີພຽງພໍແລ້ວບໍ່ (ສຳລັບຝ່າຍຊື້)
   • ປະລິມານ: ປະລິມານພັນທະບັດທີ່ຜູ້ລົງທຶນຕ້ອງການຊື້ ຫຼື ຂາຍ ຕາມທີ່ໄດ້ຕົກລົງກັນ
   • ລາຄາພັນທະບັດ: ລາຄາພັນທະບັດຕ້ອງເປັນລາຄາທີ່ບໍ່ລວມດອກເບ້ຍຄ້າງຮັບ (Clean Price), ດອກເບ້ຍຄ້າງຮັບ (Accrued Interest) ສາມາດຄິດໄລ່ໄດ້ດັ່ງລຸ່ມນີ້:

     AI =	ດອກເບ້ຍໜ້າໃນພັນທະບັດ	x	ຈຳນວນວັນທີ່ຜູ້ຂາຍຖືຄອງນັບຈາກວັນຈ່າຍດອກເບ້ຍຄັ້ງລ່າສຸດຈົນເຖິງມື້ຊື້ ຂາຍ
     			ຈຳນວນວັນຄິດໄລ່ດອກເບ້ຍຂອງພັນທະບັດໃນງວດນັ້ນ

     ຕົວຢ່າງ: ພັນທະບັດມີມູນຄ່າກໍານົດ (M) ເທົ່າກັບ 1,000,000 ກີບ, ອັດຕາດອກເບ້ຍໜ້າໃບພັນທະບັດ (C) ແມ່ນ 10% ຕໍ່ປີ, ພັນທະບັດດັ່ງກ່າວຈ່າຍດອກເບ້ຍ 2 ຄັ້ງຕໍ່ປີ. ມື້ອອກພັນທະບັດແມ່ນວັນທີ 30 ມີນາ 2021, ມື້ຊື້ ຂາຍແມ່ນວັນທີ 5/5/2021

 ເນື່ອງຈາກຜູ້ຂາຍໄດ້ຖືຄອງພັນທະບັດມາແລ້ວ 37 ມື້ ນັບຈາກມື້ອອກພັນທະບັດ ຫຼື ມື້ຈ່າຍດອກເບ້ຍຄັ້ງລ່າສຸດ ດັ່ງນັ້ນ, ດອກເບ້ຍຄ້າງຮັບຈຶ່ງເທົ່າກັບ:

ດອກເບ້ຍຄ້າງຮັບ = (1,000,000 x 10%/2) x (37/181) = 10,220 ຕໍ່ໜ່ວຍ

• ຮູບແບບການສະເໜີລາຄາຊື້ ຫຼື ຂາຍ ຕ້ອງກຳນົດວ່າເປັນຄຳສັ່ງຊື້ ຫຼື ຄຳສັ່ງຂາຍ
• ລະຫັດຈັບຄູ່ (ສຳລັບຝ່າຍຊື້)