ຄຳເຫັນຂອງປະທານ

ຍິນດີຕ້ອນຮັບທ່ານສູ່ຕະຫຼາດຫຼັກຊັບລາວ

ຕະຫຼາດຫຼັກຊັບລາວ (ຕລຊລ) ເປັນຕະຫຼາດຮຸ້ນ ແຫ່ງດຽວໃນ ສປປ ລາວ ທີ່ເປັນທາງເລືອກໃໝ່ຂອງການລົງທຶນ ແລະ ລະດົມທຶນໄລຍະຍາວຢ່າງມີປະສິດທິພາບ ເຊິ່ງໄດ້ປະກອບສ່ວນຢ່າງຕັ້ງໜ້າດ້ວຍການເປັນອີກ “ຂາ” ໜຶ່ງຂອງຕະຫຼາດການເງິນແຫ່ງ ສປປ ລາວ ທີ່ຊຸກຍູ້ໃຫ້ມີຫຼາຍຜົນງານພົ້ນເດັ່ນ ເຂົ້າໃນການພັດທະນາເສດຖະກິດແຫ່ງຊາດ.

ດ້ວຍການກ້າວສູ່ປະຕູປະຊາຄົມເສດຖະກິດອາຊຽນ, ຕລຊລ ຈະເປັນສ່ວນໜຶ່ງຂອງຕະຫຼາດທຶນອາຊຽນ ເພື່ອຈັດຕັ້ງປະຕິບັດບັນດາຂໍ້ກຳນົດ ແລະ ມາດຕະການອັນຖືກຕ້ອງເພື່ອກ້າວສູ່ການເຄື່ອນຍ້າຍເສລີຂອງສິນຄ້າ ແລະ ບໍລິການ, ການລົງທຶນ, ແຮງງານທີ່ມີທັກສະຄວາມສາມາດ, ແລະ ທີ່ສຳຄັນກໍຄື “ການເຄື່ອນຍ້າຍເງິນທຶນຢ່າງເສລີ”.

ຕລຊລ ເຊື່ອໝັ້ນຢ່າງໜັກແໜ້ນທີ່ຈະກາຍເປັນຕະຫຼາດທຶນໃນການຂັບເຄື່ອນທຸລະກິດພາຍໃນຂອງ ສປປ ລາວ ໃຫ້ເຕີບໃຫຍ່ຂະຫຍາຍຕົວ ແລະ ສາມາດ ແຂ່ງຂັນກັບບັນດາປະເທດໃນພາກພື້ນ ແລະ ສາກົນຢ່າງໂປ່ງໃສຍຸດຕິທຳ ເພື່ອກ້າວໄປສູ່ການເປັນສູນກາງຂອງຕະຫຼາດຫຼັກຊັບຂອງພາກພື້ນໃນອະນາຄົດ.