ການບໍລິການການຊື້ຂາຍຫຼັກຊັບ
ຂັ້ນພື້ນຖານ
ຂັ້ນພື້ນຖານ
- ຂັ້ນຕອນການເປີດບັນຊີຫຼັກຊັບ
- ຕ້ອງມີບັນຊີຊື້-ຂາຍກັບ ບໍລິສັດຫຼັກຊັບໃດໜຶ່ງທີ່ເປັນ ສະມາຊິກ ຕະຫຼາດຫຼັກຊັບ.
- ນັກລົງທຶນຕ່າງປະເທດຕ້ອງ ລົງທະບຽນໜັງສື ຮັບຮອງ Investors Registration Certificate (IRC) ນຳ ສ.ຄລຕ.
- ການສົ່ງຄຳສັ່ງຊື້-ຂາຍຫຼັກຊັບ
- ເພື່ອເລີ່ມການຊື້-ຂາຍຫຼັກຊັບໃນຕະຫຼາດຫຼັກຊັບລາວ, ຜູ້ຊື້ຕ້ອງມີເງິນໃນບັນຊີທະນາຄານຮ້ອຍສ່ວນຮ້ອຍ (100%) ຂອງມູນຄ່າທີ່ຕ້ອງການຊື້ ແລະ ຜູ້ຂາຍຕ້ອງມີຮຸ້ນໃນບັນຊີຫຼັກຊັບຮ້ອຍສ່ວນຮ້ອຍ (100%) ຕາມຈໍານວນທີ່ຕ້ອງການຂາຍ.
- ຜູ້ລົງທຶນ ຕ້ອງສັ່ງໂອນເງິນຈາກບັນຊີທະນາຄານຂອງຕົນ ເພື່ອເປັນເງິນວາງມັດຈຳລາວງໜ້າ ໄປເຂົ້າບັນຊີເງິນລວມ ( ຊຶ່ງເປັນບັນຊີທີ່ບໍລິສັດຫຼັກຊັບເປີດໄວ້ສຳຫຼັບຜູ້ລົງທຶນ, ຈໍານວນເງິນທັງໝົດທີ່ໂອນຕ້ອງລວມເອົາມູນຄ່າຊື້ຫຼັກຊັບ ແລະ ຄ່າທຳນຽມໃນການຊື້ຢ່າງຄົບຖ້ວນ).
- ການສົ່ງຄຳສັ່ງຊື້-ຂາຍຫຼັກຊັບ, ຜູ້ລົງທຶນສາມາດສົ່ງຄຳສັ່ງຜ່ານ 3 ຊ່ອງທາງຄື:
-
- - ການສົ່ງຄໍາສັ່ງຊື້-ຂາຍຜ່ານການຂຽນແບບພິມ:
ຜູ້ລົງທຶນສາມາດສັ່ງຊື້-ຂາຍຫຼັກຊັບ ຜ່ານການຕື່ມຂໍ້ມູນໃສ່ແບບພິມ ທີ່ຫ້ອງຄ້າຫລັກຊັບ ຂອງບໍລິສັດຫລັກຊັບດ້ວຍຕົວເອງ. - - ການສົ່ງຄໍາສັ່ງຊື້-ຂາຍຜ່ານໂທລະສັບ, ອີເມວ ແລະ ອື່ນໆ:
ຜູ້ລົງທຶນສາມາດສັ່ງຊື້-ຂາຍຫຼັກຊັບຜ່ານທາງໂທລະສັບ, ອີເມວ ແລະ ອື່ນໆ ໂດຍທີ່ຜູ້ລົງທຶນສາມາດສົ່ງຄໍາສັ່ງຊຶ້-ຂາຍໄດ້ທຸກບ່ອນ ແລະ ບໍ່ຈໍາເປັນຕ້ອງ
ເຂົ້າໄປຫາບໍລິສັດຫຼັກຊັບ. - - ການສົ່ງຄໍາສັ່ງຊື້-ຂາຍຜ່ານລະບົບອິນເຕິເນັດ:
ຜູ້ລົງທຶນສາມາດສົ່ງຄໍາສັ່ງຊື້-ຂາຍຜ່ານລະບົບຊື້-ຂາຍອິນເຕິເນັດ (HTS). ຜູ້ລົງທຶນຕ້ອງໄດ້ດາວໂຫລດໂປຼແກມດັ່ງກ່າວນໍາເວບໄຊຂອງ ຕລຊລ ຫຼື
ບໍລິສັດຫຼັກຊັບ ແລະ ຂໍລະຫັດການນໍາໃຊ້ ໂດຍທີ່ຜູ້ລົງທຶນສາມາດສົ່ງຄໍາສັ່ງຊຶ້-ຂາຍໄດ້ທຸກບ່ອນ ທີ່ມີລະບົບອິນເຕີເນັດ ເຊິ່ງຄໍາສັ່ງດັ່ງກ່າວຈະຖືກສົ່ງຜ່ານທາງລະບົບຄອມພິວເຕີ (PC or Laptop) ແລະ ບໍ່ຈໍາເປັນຕ້ອງເຂົ້າໄປຫາບໍລິສັດຫຼັກຊັບ.
- - ການສົ່ງຄໍາສັ່ງຊື້-ຂາຍຜ່ານການຂຽນແບບພິມ:
- ການຍົກເລີກຄຳສັ່ງ
- ຜູ້ລົງທຶນສາມາດຍົກເລີກຄຳສັ່ງຊື້ ຫຼື ຄໍາສັ່ງຂາຍຂອງຕົນຖ້າຄຳສັ່ງດັ່ງກ່າວຍັງບໍ່ທັນຖືກຈັບຄູ່.
- ໃນການຍົກເລີກຄໍາສັ່ງຊື້-ຂາຍຮຸ້ນ ລູກຄ້າສາມາດສົ່ງຄຳສັງສັ່ງຜ່ານພະນັກງານທີ່ຫ້ອງຄ້າຫລັກຊັບບໍລິສັດຫຼັກຊັບ, ໂທລະສັບ, ອີເມວ ແລະ ລະບົບຊື້-ຂາຍອິນເຕິເນັດ.
- ການບັນລຸການຊື້-ຂາຍ
- ລະບົບຈັບຄູ່ການຊື້-ຂາຍ ຂອງຕະຫຼາດຫຼັກຊັບ ແມ່ນຕ້ອງໄດ້ນໍາໃຊ້ ຫຼັກການ ການຈັບຄູ່ຄໍາສັ່ງຊື້-ຂາຍ ທີ່ທາງ ຕລຊລ ວາງອອກ
- ຜົນການຊື້-ຂາຍ
- ບໍລິສັດຫຼັກຊັບຈະແຈ້ງໃຫ້ຜູ້ລົງທຶນຮັບຊາບໂດຍທັນທີ ທີ່ຄຳສັ່ງຊື້-ຂາຍຂອງຜູ້ລົງທຶນໄດ້ມີການຈັບຄູ່ ຕາມຊ່ອງທາງຕິດຕໍ່ສື່ສານຕ່າງໆທີ່ໄດ້ຕົກລົງກັນໄວ້.
- ໝາຍເຫດ: ສຳລັບຂໍ້ມູນເພີ່ມຕື່ມ ກະລຸນາຕິດຕໍ່ບໍລິສັດຫຼັກທີ່ທ່ານໄດ້ເປີດບັນຊີນໍາ.
- ການຊໍາລະສະສາງ
- ຕລຊລ ຈະດໍາເນີນການຊໍາລະເງິນ ແລະ ສົ່ງມອບຫຼັກຊັບສຸດທິຂອງທຸລະກໍາທີ່ມີການຊື້ຂາຍທັງໝົດ (netting)
- ການຮັບຝາກ
- ຕ້ອງມີການຝາກຫຼັກຊັບໄວ້ກັບຕະຫຼາດຫຼັກຊັບລາວ (ສູນຮັບຝາກຫຼັກຊັບ)
