ບໍລິສັດຕະຫຼາດຫຼັກຊັບລາວໄດ້ຈັດຊຸດເຝິກອົບຮົມການເປັນນັກຂ່າວ ແລະ ຜູ້ລາຍງານຂ່າວ. ພາຍໃຕ້ການເປັນປະທານໂດຍທ່ານ ຮ.ສ ເດດພູວັງ ມູລຣັຕນ໌. ປະທານ ແລະ ຜູ້ອຳນວຍການໃຫຍ່ ບໍລິສັດຕະຫຼາດຫຼັກຊັບລາວ. ການເຝິກອົບຮົມຄັ້ງນີ້ໄດ້ໃຫ້ກຽດບັນຍາຍໂດຍ ທ່ານ . ວັນໄຊ ຕະວິນຍານ. ຮອງຜູ້ອຳນວຍການ ສະຖານນີວິທະຍຸກະຈາຍສຽງແຫ່ງຊາດລາວ. ການເຝິກອົບຮົມໄດ້ດຳເນີນເລີ່ມຕັ້ງແຕ່ວັນທີ 20/12/2012 ແລະສິ້ນສຸດໃນວັນທີ 28/12/2012 . ຈຸດປະສົງຕົ້ນຕໍຂອງການຈັດເຝິກອົບຮົມ ເພື່ອເສີມສ້າງຄວາມສາມາດ ແລະ ຄວາມຮູ້ພື້ນຖານຂອງການເປັນນັກຂ່າວ ແລະ ຜູ້ລາຍງານຂ່າວ, ຜູ້ເຂົ້າຮ່ວມເຝິກອົບຮົມໄດ້ຮຽນຮູ້ພາກທິດສະດີ ແລະ ພາກປະຕິບັດຕົວຈິງໄປພ້ອມໆກັນ. ພ້ອມດຽວກັນນັ້ນໃນມື້ກ່ອນຈະປິດເເຝິກອົບຮົມ.ບັນດາຜູ້ເຂົ້າຮ່ວມເຝິກອົບຮົມໄດ້ຍັງໄດຖືກເຊື້ອເຊີນໄປທົດລອງບັນທຶກສຽງຕົວຈິງຢູ່ທີ່ສະຖານນີວິທະຍຸກະຈາຍສຽງແຫ່ງຊາດລາວ. ແລະ ພິທີມອບຮັບໃບຢັ້ງຢືນໃຫ້ແກ່ເຝິກອົບຮົມໄດ້ຈັດຂື້ນມື້ສຸດທ້າຍໂດຍເປັນກຽດມອບໂດຍທ່ານ ຮ.ສ ເດດພູວັງ ມູລຣັຕນ໌. ປະທານ ແລະ ຜູ້ອຳນວຍການໃຫຍ່ ບໍລິສັດຕະຫຼາດຫຼັກຊັບລາວ ແລະ ພິທີ່ກໍ່ໄດ້ປິດລົງຢ່າງເປັນທາງການດ້ວຍຜົນສຳເລັດອັນຈົບງາມ.